رسالة مؤثرة جدا: قلب الام زهرة لم ولن تذبل

هاد اليوم السابع الي بفتح في عينيه وبفوت غرفتك مشان اقلك صباح الخير وبلاقي تختك فاضي
هاد اليوم السابع الي بفطر فيه لحالي بعد ما عودتيني مطلعش من دار الا ما افطر انا وياكي
هاد اليوم السابع بحلم انا مش عارف اصدقوا وي ريت ما حلمتوا ولا عشتوا
هاد اليوم السابع لا شمس طلعت فيه والعتمة بعدها بعينيه,,
الله يرحمك ي روحي ي حبيبتي ي تاج راسي ي كل عمري غلطوا الي قالوا الجنة تحت اقدام الامهات لانو انتي الجنة نفسها ,,,
انتي الروح الي عايشة جواتي,,ريحتك انا بشمها بكل شبر بدار,,صوتك بناديني كل شوي
ي ريت هاليوم ما اجى بس قدر ربنا ما انكتب انو اسلمك شهادتي بايدك زي ما وعدتك قبل 4 سنين ,,قدر ربنا ما انكتب انو اكمل حياتي وانتي حدي وسندي وتاج راسي
قدر ربنا انكتب انو افقد شخص كان يعنيلي كلشي كان صاحبي واحكيلوا كلشي بحياتي
قدر ربنا انكتب انو افقد شخص كنت اعامله ك خطيبتي حتى لما امشي بشارع انا وياه الناس تضحكلنا وانا حاضنه ولا ماسك بايدوا
قدر ربنا انكتب انو افقد شخص كان مثلي الاعلى بدنيا وكنت اتحايد اي تفكير انو افقدوا بيوم من الايام بس هاي حال الدنيا,,
رح ادعيلك بكل صلاة بصليها لاجلك ,,رح اعمل كل خير بغدر عليه باسمك
دموع الكره الارضية مش رح تعبر عن الي حاسس فيه ,,مع السلامة ي حبيبتي

انا الي بدو يعزيني يعزيني بامراة ولا بعمري حبيت غيرها ولا شفت بعينيه غيرها
انا الي بدو يعزيني يعزيني بامراة جوزها قضى نص حياته يشتغل وينام بعيد عن داره مشان يجيب لقمة عيشه ويعيش ولاده وكانت هي الابو والاخو والام بدار
انا الي بدو يعزيني يعزيني بامراة اتحملت هي وجوزها كل وجع مشان يحققوا حلمهم ب 5 من ولادهم ويعلموهم بجامعات
انا الي بدو يعزيني يعزيني بامراة كل الدنيا انهزت عليها لانو بحياتها ما كرهت حدا ولا اذت حدا ودايما واجبها سابق كل ناس من الغريب للقريب

الله يرحمك ويجعل مثواكي الجنة ي رب
وشكرا لكل شخص وقف بحدنا و الله يمد بعمر اهاليكم بديش احكي لحدا نيالك بس بدي احكيلوا اوعى تضيع لحظة وانتي مش حاطط اهلك فوق راسك وتعيش حدهم وبكفي انهم بضحكو كل يوم بوجهك وتكسب رضاهم,,,

الدنيا أم(الحمدلله)

رسالة مؤثرة جدا: قلب الام زهرة لم ولن تذبل

إضافة تعليق جديد

اتبعونا على تويتر

درجة الحرارة المتوقعة في مدينة , لهذا اليوم: 26 - 16 10/23/2017 - 10:00
درجة الحرارة المتوقعة في مدينة , لهذا اليوم: 24 - 16 10/22/2017 - 10:00
درجة الحرارة المتوقعة في مدينة , لهذا اليوم: 26 - 17 10/21/2017 - 10:00
درجة الحرارة المتوقعة في مدينة , لهذا اليوم: 29 - 18 10/20/2017 - 10:00
درجة الحرارة المتوقعة في مدينة , لهذا اليوم: 33 - 19 10/19/2017 - 10:00